Evrópusamvinna

7. rannsóknaáætlun ESB gildir fyrir árin 2007-2013. Markmið áætlunarinnar er að styðja við rannsóknir á öllum fræðasviðum í gegnum samstarfsverkefni Evrópuþjóða og fjölmargra landa utan Evrópu, með það fyrir augum að gera Evrópu að fremsta þekkingarsvæði heimsins. Íslendingar eru fullgildir aðilar að áætluninni í gegnum EES samninginn.

7. rannsóknaáætlunin skiptist í fjögur áherslusvið sem kallast Samvinna, Mannauður, Hugmyndir og Undirstöður. Þær skiptast í nokkrar undiráætlanir sem hver um sig styrkir rannsóknir og samstarfsverkefni á ákveðnum fræðasviðum samkvæmt eftirfarandi:

Samvinna

• Heilbrigðisvísindi
• Matvæli, landbúnaður, sjávarútvegur og líftækni
• Upplýsinga- og samskiptatækni
• Örvísindi, örtækni, efnistækni og ný framleiðslutækni
• Orka
• Umhverfi
• Samgöngur
• Félags-, hag- og hugvísindi
• Geimtækni
• Öryggismál

Hugmyndir

• Styrkir rannsóknahugmyndir frá framúrskarandi vísindamönnum í gegnum Evrópska rannsóknaráðið (ERC)

Mannauður

• Styrkir m.a. hreyfanleika vísindafólks milli landa og rannsókna- og starfsþjálfun vísindafólks

Undirstöður

• Innviðir rannsókna
• Rannsóknir í þágu lítilla og meðalstórra fyrirtækja
• Þekkingarsvæði
• Færni þróunarsvæða til rannsókna
• Samhæfing rannsókna
• Vísindi í samfélaginu
• Alþjóðlegt samstarf við lönd utan EES

Rannsóknamiðstöð Íslands – RANNÍS sér um 7. rannsóknaáætlunina og heldur utan um starfsemi landstengla allra undiráætlananna. Sjá nánar á www.rannis.is/7ra

Evrópusambandið heldur einnig úti upplýsingavef um áætlunina þar sem hægt er að nálgast öll skjöl og upplýsingar tengd áætluninni, t.d. um alla umsóknarfresti. Sjá nánar á http://cordis.europa.eu/